Gjimnazistët e Shkodrës e Burrelit i bashkohen revoltës studentore
Vala e protestave të nxënësve dhe studentëve përfshin qytete të tjera të vendit, ndërsa vijon bojkotimi i mësimit.
Redaksia ZHURMA · · 1 min lexim
Protestat e nxënësve dhe studentëve janë shtrirë në disa qytete të vendit, ndërsa gjimnazistët në Shkodër dhe Burrel kanë bojkotuar mësimin dhe kanë dalë në rrugë. Gjatë tubimeve, të rinjtë kanë lëshuar thirrje në kor «Rama jepe dorëheqjen» dhe «bojkotoni mësimin». Kjo është dita e katërt e protestave të rinisë kundër kryeministrit Edi Rama dhe mazhorancës, të cilët akuzohen për korrupsion dhe keqmenaxhim.
Ndërkohë, protesta dhe bojkote të mësimit janë shënuar gjithashtu në Elbasan, Gramsh e Lezhë, ndërsa të rinjtë e Kamzës janë grumbulluar para shkollave dhe kanë nisur marshimin drejt Tiranës.
