Kur do të votohet ligji për përfaqësim të drejtë në Kuvend?
Kryeparlamentari Afrim Gashi njofton seanca për ligjin bazik të Marrëveshjes së Ohrit, me debat publik dhe votim me Badenter.
SHKUP — Kryetari i Kuvendit dhe përfaqësuesi i VLEN-it, Afrim Gashi, ka njoftuar se seanca për Ligjin për përfaqësim të drejtë dhe adekuat është caktuar për më 10 qershor, si pika e tetë e rendit të ditës.
Në një intervistë për Alsat-M, Gashi tha se të enjten do të mblidhet Komisioni për sistem politik, ndërsa është thirrur edhe Komiteti për marrëdhënie mes bashkësive për të diskutuar çështjen e Badenterit. "Besoj nëse ka vullnet pozitiv, në një afat sa më të shkurtë të votohet", ka thënë ai.
Gashi e cilësoi ligjin "shumë të rëndësishëm", duke kërkuar përfshirje të publikut, ekspertëve, profesorëve dhe opozitës për "zgjidhje kreative". Sipas tij, si ligj bazik i Marrëveshjes së Ohrit që prek bashkësitë etnike, duhet të votohet me Badenter — qëndrim ky që Komiteti duhet ta vendosë të enjten.
Burim: Telegrafi
— Redaksia ZHURMA