Gashi: LDK-ja duhet të heqë dorë nga kërkesa për presidentin
Sipas analistit në 'Debat Plus', Albin Kurti nuk dëshiron ta ndajë pushtetin me askënd, prandaj kompromisi për postin duhet të bëhet nga LDK-ja.
PRISHTINË — Analisti politik Dardan Gashi ka deklaruar se Lidhja Demokratike e Kosovës duhet të bëjë lëshime dhe të heqë dorë nga kërkesa për postin e presidentit, duke vlerësuar se këmbëngulja e saj do të komplikonte edhe më shumë procesin e ndërtimit të institucioneve të reja.
Në këtë kuadër, Gashi theksoi se çështja e presidentit ka qenë një nga arsyet kryesore që Kosova ka shkuar në zgjedhje. Sipas tij, Albin Kurti nuk ka dashur ta ndajë këtë pushtet me askënd, as me LDK-në e as me PDK-në.
Prandaj, analisti pret që lëshimi të bëhet nga LDK-ja dhe jo nga Vetëvendosja, për shkak të situatës në të cilën ndodhet kjo parti. Ai paralajmëroi se këmbëngulja e mëtejshme për këtë post do të vështirësojë arritjen e marrëveshjes politike për formimin e institucioneve të reja.
Burim: Almakos
— Redaksia ZHURMA
