Gashi: LDK është shembull i demokracisë dhe zhvillimit

Deputeti i Lidhjes Demokratike të Kosovës, Arben Gashi, ka bërë të ditur se hyrja në vitin elektoral përbën një mundësi që brenda kësaj partie të shpalosen ide dhe vizione për të ardhmen. I pranishëm në emisionin «Politiko», ai theksoi se debatet rreth mënyrës së zhvillimit dhe përfaqësimit nuk duhet të shihen si largim i njerëzve.

Gashi shtoi se procesi i hapjes së garës i lejon kontribuesit e partisë të shprehin ambiciet për lidership. «Meqenëse po hyjmë në vitin elektoral të LDK-së, është normale që të shpalosen ambicie dhe ide se si duket më mirë LDK-ja, si do të jetë më përfaqësuese, më fituese dhe më kontribuuese në të ardhmen e Kosovës», u shpreh ai, duke e vlerësuar subjektin politik si model demokracie.