Gashi: Kurti e menaxhoi me mjeshtëri zgjedhjen e presidentes

Avokati Tomë Gashi ka deklaruar se kryeministri Albin Kurti e ka menaxhuar në mënyrë brilante procesin e zgjedhjes së presidentes së Kosovës, Justina Shiroka-Pula. Gjatë një paraqitjeje në emisionin FIVE të TV Dukagjinit, ai theksoi se kandidatura e Shiroka-Pulës, e cila më parë ka shërbyer si deputete dhe ministre nga radhët e Partisë Demokratike të Kosovës, e vuri këtë subjekt para një sfide të ndërlikuar politike.

Sipas Gashit, PDK-ja do ta kishte të pamundur t'ua arsyetonte votuesve një refuzim të mundshëm të këtij propozimi, pasi një vendim i tillë do ta çonte vendin automatikisht drejt zgjedhjeve rreth muajit nëntor. Ai shtoi se nata e zgjedhjes zgjati pak më shumë se dy orë dhe se komunikimi kishte arritur të bëhej përmes gazetarëve për shkak të mungesës së një kontakti të drejtpërdrejtë, pasi kandidatët e tjerë të propozuar nga kreu i ekzekutivit nuk kishin pranuar.

«Zoti Kurti e luajti lojën në mënyrë brilante», u shpreh Gashi, duke shtuar se po qe se PDK-ja në mënyrë hipnotike nuk do ta pranonte as këtë zgjedhje, ajo do të gjendej në një situatë shumë të vështirë para mbështetësve të vet.