Pse mund të largohet Phil Foden nga Man City?

— Milani po shqyrton një mundësi për të blerë futbollistin anglez Phil Foden nga Man City, për të zëvendësuar Rafael Leaon. Sipas burimit, një ndërmjetës ua ka ofruar Fodenin disa klubeve, mes tyre edhe Milanit. Kontrata e Foden skadon në vitin 2027 dhe ai nuk ka ndërmend ta rinovojë. Manchester City kërkon rreth 50-60 milionë euro për kartonin e tij, një shumë që Milani beson se mund ta mbulojë pothuajse tërësisht nga shitja e Rafael Leaos.

Emri i Foden ka përfunduar në tavolinën e Milanit, pasi mesfushori ofensiv i Manchester Cityt i është propozuar klubit italian si një përforcim i mundshëm për repartin ofensiv. Reprezentuesi anglez vjen pas një sezoni të vështirë, gjatë të cilit marrëdhëniet e tij me Manchester Cityn janë përkeqësuar.

Situata shkoi deri aty sa trajneri i Anglisë, Thomas Tuchel, e la jashtë skuadrës për Kupën e Botës. Ndërkohë, kontrata e Foden skadon në vitin 2027 dhe ai nuk ka ndërmend ta rinovojë. Shifrat e operacionit janë të larta, por jo të paarritshme.

Manchester City kërkon rreth 50-60 milionë euro për kartonin e tij, një shumë që Milani beson se mund ta mbulojë pothuajse tërësisht nga shitja e Rafael Leaos, për të cilin synon të arkëtojë afërsisht të njëjtën shumë. Edhe paga nuk paraqet pengesë të madhe, pasi si Foden ashtu edhe Leao përfitojnë rreth 7-7.5 milionë euro në sezon, duke e bërë këtë operacion pothuajse një shkëmbim të barabartë në aspektin financiar.

Megjithatë, përpara se marrëveshja të bëhet e realizueshme, duhet të ndodhin dy zhvillime të rëndësishme. Së pari, duhet të finalizohet largimi i Leaos, me kampin e portugezit që i jep përparësi një transferimi brenda Evropës, ndërsa Tottenhami është një nga klubet e interesuara. Së dyti, Manchester City raportohet se do ta lejonte largimin e Foden vetëm pasi të siguronte një zëvendësues të nivelit të lartë, me Enzo Fernández që konsiderohet objektivi i ëndrrave të klubit anglez.

Burim: Gazeta Express, https://www.gazetaexpress.com/foden-mund-te-largohet-nga-man-city-milani-futet-ne-gare/ — Redaksia ZHURMA