Kush është në listën e Fodës për miqësoret e Kosovës dhe kush mungon?
Trajneri i Kosovës zbulon 25 lojtarët për dy ndeshjet miqësore, me rikthime dhe emra të rinj, por pa pesë senatoret kryesorë.
PRISHTINË — Kombëtarja e Kosovës do të luajë dy ndeshje miqësore në ditët në vijim. Dardanët do të përballen më 31 maj me Çekinë në transfertë, ndërsa një javë më vonë presin Andorrën në stadiumin "Fadil Vokrri".
Trajneri Franco Foda ka publikuar listën e 25 lojtarëve, e cila përfshin rikthime dhe emra të rinj. Mbrojtësit Ron Raçi dhe Andi Hoti kthehen në grup, së bashku me Bersant Celinën pas një mungese të gjatë. Muharrem Jashari dhe Leon Avdullahu, të dëmtuar në grumbullimin e kaluar, gjithashtu rikthehen. Emrat e rinj janë Valmir Matoshi, Dardan Shabanhaxhaj dhe Rilind Nivokazi.
Nga lista mungojnë krejtësisht senatoret Amir Rrahmani, Florent Hadergjonaj, Milot Rashica, Valon Berisha dhe Vedat Muriqi.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.