Çfarë sjell FlyOne Armenia me dy fluturime në javë nga Rinasi?
Linja e re do të operojë çdo të hënë dhe të enjte, duke forcuar lidhjet turistike, ekonomike dhe kulturore mes Shqipërisë dhe Armenisë.
TIRANË — Aeroporti Ndërkombëtar "Nënë Tereza" në Rinas mirëpriti sot fluturimin e parë të FlyOne Armenia, duke shënuar rikthimin e lidhjeve ajrore direkte mes Shqipërisë dhe Armenisë dhe nisjen e një partneriteti të ri mes dy vendeve.
Sipas TIA-s, linja e re do të operojë dy herë në javë, çdo të hënë dhe të enjte, duke u ofruar pasagjerëve mundësi të reja udhëtimi dhe duke forcuar lidhjet turistike, ekonomike dhe kulturore mes dy vendeve.
Rrjeti i fluturimeve direkte nga Rinasi vijon të zgjerohet, duke rritur mundësitë e lidhjes së Shqipërisë me tregje dhe destinacione të reja ndërkombëtare.
Burim: ATSH
— Redaksia ZHURMA
