Si i fituan bankat në Maqedoni mbi 17.4 milionë euro vetëm nga provizionet?
Katër bankat kryesore në vend shënuan rritje të fitimeve neto nga provizionet gjatë tremujorit të parë të vitit 2026, sipas analizës së bilanceve.
SHKUP — Katër bankat kryesore në Maqedoninë e Veriut që kuotohen në bursë kanë arkëtuar fitime të mëdha neto prej mbi 17.4 milionë eurosh nga provizionet gjatë tremujorit të parë të vitit 2026. Ky rezultat bazohet në analizën e bilanceve të suksesit të publikuar nga portali Faktor.
NLB Banka kryeson me rreth 6.72 milionë euro fitime (rritje prej 0.7 milionë), e ndjekur nga Banka Komerciale me 6.25 milionë euro (rritje prej 0.81 milionë) dhe Stopanska Banka me 3.6 milionë euro. Ndërkaq, UNI Banka shënoi rënie të lehtë duke realizuar 835,856 euro fitim neto.
Ky trend i profitit, që mesatarisht arrin në 56.2% të të ardhurave, vjen nga ulja e shpenzimeve operative. Ulja e kostove u ndihmua nga modeli i ri i tarifimit për sistemin MIPS i vendosur nga Banka Popullore në 2025, dhe anëtarësimi i vendit në SEPA.
Provizionet mbeten burimi i dytë më i madh i të ardhurave për bankat, menjëherë pas kamatave të kredisë. Lidhur me këtë, Ministria e Financave ka bërë të ditur se shteti nuk planifikon kufizimin e tyre pasi ky segment nuk rregullohet me ligj.
Burim: Almakos
— Redaksia ZHURMA