Filmi "Dua" i Blerta Bashollit propozohet për Oscar — Kosova garon me 2 filma
bashkë me "Shame and Money" në edicionin e 99-të
PRISHTINË — Filmi "Dua" me regji të Blerta Bashollit do të përfaqësojë Kosovën në edicionin e 99-të të Academy Awards. Komiteti Përzgjedhës i angazhuar nga Qendra Kinematografike e Kosovës e ka zgjedhur "Dua" si propozimin zyrtar për kategorinë "International Feature Film".
Vendimi u mor nga komiteti i përbërë nga Kaltrina Krasniqi, Antoneta Kastrati, Ilir Hasanaj, Tristan Halilaj dhe Vullnet Sanaja. Komiteti vlerësoi interpretimin e aktores Pinea Matoshi dhe vizionin artistik të regjisores.
Ky vit shënon një moment historik për kinematografinë kosovare, pasi për herë të parë Kosova do të ketë dy filma në garën për çmimet Oscar. Përveç "Dua", në garë është kualifikuar drejtpërdrejt edhe filmi "Shame and Money" me regji të Visar Morinës.
Burim: Gazeta Express, https://www.gazetaexpress.com/filmi-dua-perfaqeson-kosoven-ne-oscar-bashke-me-shame-and-money-ne-edicionin-e-99-te/
— Redaksia ZHURMA
