Festivali ndërkombëtar 'Çarshia' përfundoi me 20 solistë në 4 koncerte në Shkup

SHKUP — Përfundoi edicioni i parë i Festivalit Ndërkombëtar të Muzikës 'Çarshia', i cili nga 23 deri më 26 korrik mblodhi 20 solistë nga Shqipëria, Rumania, Italia, Kosova, Spanja dhe Maqedonia e Veriut. Festivali përfshiu 4 koncerte në Çarshinë e Vjetër të Shkupit.

Solistët performuan të shoqëruar nga Orkestra Simfonike AYGA e Maqedonisë. Gjatë këtyre katër netëve, Çarshia e Vjetër u shndërrua në skenë të artit muzikor të nivelit të lartë, një platformë për dialogun kulturor ndërkombëtar në qendër të Shkupit.

Festivalin e mbështeti Komuna e Çairit. Kryetari i komunës tha se mbetet i përkushtuar ndaj zhvillimit të kulturës si shtyllë e zhvillimit lokal, turizmit dhe promovimit ndërkombëtar të qytetit.

Burim: TV21
— Redaksia ZHURMA