Feministët kërkojnë në Prishtinë që femicidi të shpallet urgjencë kombëtare

PRISHTINË — Kolektivi për Mendim dhe Veprim Feminist ka organizuar një protestë në sheshin “Zahir Pajaziti” në Prishtinë, duke kërkuar që vrasja e grave të trajtohet si urgjencë kombëtare. Thirrja vjen pas dy rasteve të vrasjeve të grave brenda së njëjtës javë në Malishevë e Prizren.

Protesta, e cila nis në orën 12:00, ka katër kërkesa kryesore. Organizatorët kërkojnë trajtimin e sigurisë së grave si aspekt kyç të sigurisë publike, përgjegjësi institucionale dhe funksionalizim të zinxhirit institucional që parandalon femicidin, duke përfshirë qendrat për punë sociale, si dhe mirëfinancim të politikave sociale të mirëqenies.

Përmes protestës kërkohet një reagim më i fuqishëm institucional dhe masa konkrete për mbrojtjen e grave dhe parandalimin e dhunës me bazë gjinore.