Faton Bislimi: Nëse Republika më thërret për shërbim, jam gati

Faton Bislimi ka thyer heshtjen përmes një statusi në rrjetet sociale, duke shprehur publikisht gatishmërinë për t’u bërë president i Kosovës. Emri i tij ishte propozuar fillimisht nga ish-ambasadori amerikan, William Walker.

Bislimi ka përmendur mbështetjen e marrë nga ish-kongresmeni amerikan, Joe DioGuardi, familjet e heronjve Sali Çekaj e Agim Ramadani, shqiptarët e Luginës së Preshevës, miq e kolegë nga Harvard Kennedy School, si dhe nga qytetarët e diaspora.

Ai ka theksuar se nuk e ka parë asnjëherë shërbimin ndaj Kosovës si çështje pozite, por si mision. Sipas tij, kandidatura e tij nuk është kërkesë drejtuar një partie dhe nuk është ndërtuar kundër askujt, por mbetet një ofertë për t'i shërbyer Republikës së Kosovës.