Si synon Fahrije Hoti t'i afrohet grave nga Kuvendi?
Kandidatja e LDK-së thotë se historinë e saj e kanë mbrojtur në fakultete ndërkombëtare dhe se grupet e grave në gjithë Kosovën e kanë ndjekur si model.
PRISHTINË — Kandidatja për deputete nga lista e LDK-së, Fahrije Hoti, ka thënë se kalimi i saj në politikë vjen nga përvoja në biznes, jo nga sfond politik. Në një intervistë për Klan Kosova, Hoti theksoi se gjithçka në aspektin e biznesit e ka nisur nga zero.
"Unë kam nisur gjithmonë një rrugëtim nga zero dhe kam arritur këtu ku jam, sa i përket biznesit. Nuk vi nga politika, vi nga biznesi", tha ajo. Hoti u shpreh se është bashkangjitur LDK-së "konkretisht presidentes", duke e quajtur atë "presidentja më e mirë që na ka përfaqësuar në arenën ndërkombëtare dhe brenda në Kosovë".
Hoti shtoi se historia e saj ka shërbyer si temë diplome në fakultete ndërkombëtare dhe se ka ndihmuar grupe grave në Kosovë të nisin iniciativa të ngjashme. "Besoj që kam me iu qenë afër prapë edhe nëse kam fatin të jem deputete e parlamentit të Kosovës", tha ajo.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.