Euro rënë në 93.13 lekë, minim historik i ri
Kursi ka humbur 3.8% nga fillimi i vitit; deficiti korrent ra 28%, investimet e huaja dhe suficiti buxhetor shënonin rekorde.
TIRANË — Euro u këmbye sot me 93.13 lekë sipas kursit zyrtar të Bankës së Shqipërisë, duke shënuar një minim të ri historik dhe rënjë 0.15 pikë më tej se të martën.
Nga fillimi i vitit 2026, monedha europiane ka zhvlerësuar me 3.8%, ndërsa krahasuar me të njëjtën periudhë të vitit të kaluar rënia arrin 4.3%. Agjentët e këmbimit e lidhin pjesërisht rënien me ofertën e rritur të valutës nga sezoni turistik, por tendenca rënëse ka nisur qysh në muajt e parë të vitit.
Statistikat e Bankës së Shqipërisë tregojnë se për tremujorin e parë deficiti i llogarisë korrente ra në 228 milionë euro, 28% më poshtë se një vit më parë. Ndërkohë, investimet e huaja direkte arritën 404 milionë euro — një rekord për periudhën — në rritje 11.6% vjetore.
Pjesërisht forcimi i Lekut atribuohet politikës fiskale: suficiti buxhetor për gjashtëmujorin 2026 kaloi 52.8 miliardë lekë, 60% më lart se vitin e kaluar, duke ulet ofertën e lekëve në treg.
Banka e Shqipërisë po ndërhyn vazhdimisht duke blerë valutë: vetëm në tremujorin e parë 2026 blerja u afrua 140 milionë euro, rekord për kto muaj. Nga fillimi i 2024, Banka Qendrore ka tërhequr nga treg gati 2.2 miliardë euro, duke kontrolluar por pa e frenuar plotësisht rënien.
Burime tregtare raportojnë dy ndërhyrje shtesë të Bankës së Shqipërisë vetëm këtë javë për të blerë Euro.
Burim: Monitor
— Redaksia ZHURMA
