EULEX shton patrullat kufitare gjatë zgjedhjeve në Serbi
Misioni evropian ka ngritur praninë e forcave të tij pranë pikave ndërmjet dy shteteve.
Redaksia ZHURMA · · 1 min lexim
Në ditën e mbajtjes së zgjedhjeve në Serbi, Misioni i Bashkimit Evropian për Sundimin e Ligjit në Kosovë ka ngritur vigjiljen përgjatë vijës kufitare. Siç bëjnë të ditur institucionet përgjegjëse, që nga orët e hershme të së dielës janë shtuar forcat e Njësisë së Policisë së Formuar pranë pikave kryesore të kalimit.
Veprimet e ndërmarra nga ky mision evropian synojnë përcjelljen e situatës në terren dhe zhvillohen në bashkëpunim të ngushtë me strukturat e Policisë së Kosovës, si dhe me trupat e KFOR-it të udhëhequr nga NATO, në bazë të mekanizmit tre-nivelësh të reagimit të sigurisë.
