Esmeralda e “Për’puthen” filmon veten te varri — ndjekësit e kritikojnë për pozat
Ish-konkurrentja filmoi veten duke hedhur ujë mbi varr, ndërsa ndjekësit e kritikuan për kthimin e një momenti intim në përmbajtje për rrjetet sociale.
TIRANË — Ish-konkurrentja e “Për’puthen”, Esmeralda, ka ngjallur reagime të shumta pas publikimit të një videoje nga varrezat. Ajo kishte shkuar për vizitë së bashku me babanë e saj, duke e shoqëruar pamjen me mbishkrimin “Erdhëm këtu me babin”.
Vizita ngriti debate për shkak të mënyrës se si u realizua dhe u publikua ajo. Në pamjet e shpërndara, Esmeralda pozon para kamerës dhe më pas filmon veten duke hedhur ujë mbi varr, gjë që u konsiderua si veprim i papërshtatshëm nga ndjekësit.
Shumë komentues e kritikuan atë se u fokusua më shumë te paraqitja e saj sesa te përkujtimi. Pas reagimeve kritike dhe ironike, Esmeralda shkroi se kur sheh se në çfarë pike është injoranca e shqiptarit, pyet veten pse s’e ka marrë akoma.
Burim: Lajmi.net
— Redaksia ZHURMA
