Erërat e forta shkaktojnë dëme materiale dhe rrëzojnë lisa në Llapashticë

Erërat e forta që përfshinë vendin gjatë natës kanë shkaktuar dëme materiale në fshatin Llapashticë të Podujevës. Gjatë kësaj kohe, si pasojë e motit të keq, në këtë zonë janë rrëzuar disa lisa.

Pas marrjes së rastit, në vendngjarje kanë dalë menjëherë ekipet e zjarrfikësve për të menaxhuar situatën dhe për t'u dalë në ndihmë banorëve të zonës. Ndërkohë, autoritetet u kanë bërë thirrje qytetarëve që të tregojnë kujdes të shtuar për shkak të vazhdimit të erërave të forta.