Emina Çunmulaj publikon mesazhin fyes të një ndjekëseje dhe reagon me ironi

Modelja shqiptare me famë ndërkombëtare, Emina Çunmulaj, është përballur me një mesazh të ashpër në rrjetet sociale, të cilin ka vendosur ta ndajë me ndjekësit përmes një postimi në InstaStory. Në bisedën e publikuar, një ndjekëse i drejtohet modeles me tone fyese, duke i shkruar: «Zhduku dhe ti zioniste e shpifur. Sa të pëlqeja më parë, aq më neverit tani!». Reagimi i parë i modeles brenda bisedës ka qenë i shkurtër, duke u përgjigjur vetëm me një fjalë dhe një emoji habie, ndërsa më pas ka zgjedhur ironinë për t'iu përgjigjur sulmit.

Ajo e ka shoqëruar pamjen e ekranit me komentin ironik «Nji mesazh shumë i dashtun sot në mëngjes», të vendosur së bashku me emoji të qeshure dhe një gjest zhgënjimi. Në vijim, Çunmulaj ka shtuar edhe një reagim tjetër në formën e një lutjeje për personin që i kishte dërguar mesazhin: «O Zot… nisi paqe në shpirt të saj se duket se paska nevojë për mëshirën tande. Amin».