Pse 20-vjetorin e Emi AG shpërblen punëtorët me një udhëtim në Kosovë dhe Shqipëri?

— Burim: Albinfo.ch, https://www.albinfo.ch/per-20-vjetorin-e-emi-ag-shperblen-punetoret-me-nje-udhetim-ne-kosove-dhe-shqiperi/
— Redaksia ZHURMA

Në shenjë mirënjohjeje për përkushtimin dhe kontributin e stafit gjatë dy dekadave të fundit, kompania Emi AG shënoi 20-vjetorin e themelimit me një udhëtim të veçantë në Kosovë dhe Shqipëri për punonjësit e saj.

Nën drejtimin e CEO-së, Qahil Emini, kompania vendosi që këtë jubile ta festojë jo vetëm duke reflektuar mbi sukseset e arritura, por edhe duke shpërblyer ata që kanë qenë pjesë e këtij rrugëtimi.

Gjatë udhëtimit, punonjësit vizituan disa nga destinacionet më të bukura në Kosovë dhe Shqipëri, duke njohur nga afër trashëgiminë kulturore, peizazhet natyrore dhe mikpritjen shqiptare.

Një ndër përvojat më mbresëlënëse ishin ecjet në natyrë në Gjakovë dhe në Valbonë, të cilat u kthyen në momentet kulmore të këtij organizimi.

Përmes këtij udhëtimi, Emi AG synoi të forcojë edhe më tej frymën e bashkëpunimit dhe lidhjen mes anëtarëve të ekipit.

Atmosfera pozitive, momentet e përbashkëta dhe kujtimet e krijuara dëshmojnë se suksesi i një kompanie ndërtohet mbi njerëzit që punojnë me përkushtim çdo ditë.

“Duke punuar së bashku, duke ndarë përvoja dhe duke krijuar kujtime të bukura, ndërtojmë një ekip edhe më të fortë”, është mesazhi që përcolli kompania me rastin e këtij jubileu.

Emi AG shprehet optimiste për të ardhmen, duke synuar që vitet e ardhshme të sjellin projekte të reja, zhvillim të mëtejshëm dhe suksese të reja, gjithmonë me punonjësit në qendër të vëmendjes.