Emanuel Demaj braktis emisionin 'Click' live pas debatit për Albin Kurtin
Debati u zhvillua mbi punën e Qeverisë Kurti, pasi Demaj tha se nuk e kishte thënë asnjëherë se kryeministri në detyrë Albin Kurti nuk ka bërë gabime
PRISHTINË — Një moment tensioni u shënua në emisionin Click në RTV21, ku analisti politik Emanuel Demaj vendosi të largohej nga studioja gjatë debatit me analistin Arton Muhaxheri. Debati u zhvillua mbi punën e Qeverisë Kurti.
Demaj deklaroi se nuk e kishte thënë asnjëherë se kryeministri në detyrë Albin Kurti nuk ka bërë gabime, duke thënë: "Unë kam qenë në një tubim në Viti. Ka pasur autobusë prej qyteteve të ndryshme. Nuk jam unë ai që them që Albin Kurti nuk ka bërë të këqija".
Pas kësaj, Arton Muhaxheri e akuzoi Demajn se po mbronte vazhdimisht kryeministrin Kurti. Demaj reagoi duke njoftuar se do të largohej nga studioja, duke thënë: "Nëse ki me fol, fol. Unë po çona e eci". Ai u largua nga studioja në transmetim të drejtpërdrejtë.
Burim: RTV21, https://rtv21.tv/emanuel-demaj-leshon-studion-e-click-pas-debatit-me-arton-muhaxherin/
— Redaksia ZHURMA