Rutina e thjeshtë e lëkurës mposht produktet e shumta — rezultate pas 6-8 javash

TIRANË — Në një kohë kur rrjetet sociale promovojnë rutina të ndërlikuara me dhjetëra produkte, ekspertët e kujdesit për lëkurën këshillojnë t'i rikthehimi bazave. Sipas një udhëzuesi të publikuar nga The Guardian, një rutinë e thjeshtë, e ndjekur me rregullsi, është më efektive sesa përdorimi i tepërt i produkteve.

Specialistët theksojnë se përmirësimet në lëkurë nuk shihen brenda pak ditësh, por zakonisht pas gjashtë deri në tetë javësh, që është cikli natyror i rinovimit të saj. Ndërrimi i shpeshtë i produkteve ose kombinimi i shumë përbërësve aktivë mund të shkaktojë irritim.

Udhëzuesi rekomandon gjashtë hapa kryesorë: përcaktimin e tipit të lëkurës, përdorimin e një pastruesi të përshtatshëm për tipin e lëkurës, aplikimin e serumit për hidratim ose trajtim të nevojave specifike, hidratimin me një krem që forcon barrierën mbrojtëse të lëkurës, vendosjen çdo ditë të kremit mbrojtës ndaj diellit dhe kujdesin e natës me produkte rigjeneruese ose përbërës aktivë.

Ekspertët sugjerojnë që përbërësit aktivë, si retinoidet, vitamina C dhe acidet eksfoliuese, të shtohen gradualisht në rutinë dhe jo të përdoren të gjithë njëkohësisht. Retinoidet rekomandohen në mbrëmje, ndërsa vitamina C në mëngjes, gjithmonë e shoqëruar me mbrojtje nga dielli.

Burim: ATSH, https://ata.gov.al/2026/08/01/ekspertet-nje-rutine-e-thjeshte-eshte-celesi-per-nje-lekure-te-shendetshme/

— Redaksia ZHURMA