Edward Joseph: Kritikat publike të BE-së ndaj Kosovës i sjellin përfitime Serbisë

Profesori amerikan, Edward Joseph, ka deklaruar se kritikat publike të Bashkimit Evropian ndaj Kosovës lidhur me ndryshimet në Ligjin për Dhomat e Specializuara janë të gabuara dhe i sjellin përfitime politike Serbisë. Sipas tij, BE-ja duhet t'i trajtojë privatisht shqetësimet rreth këtij ligji, ndërsa theksoi se Kosova ka të drejtë t'i kritikojë Dhomat e Specializuara dhe se ky institucion nuk është mbi kritikat.

Joseph gjithashtu kritikoi mungesën e reagimit të Bashkimit Evropian ndaj festimit dhe nderimit të Ratko Mladićit në Serbi. Duke folur për votimin e ligjit, ai vuri në dukje se ai u mbështet nga një shumicë e theksuar, ndonëse Lidhja Demokratike e Kosovës nuk votoi pro tij, duke shtuar se marrëdhëniet mes Kosovës dhe BE-së mund të diskutohen përmes mekanizmave ekzistues për të gjetur një rezultat pozitiv.

Siç raportoi Zhurma më 15 tetor 2026, presidentja e vendit kishte pritur në takim profesorin amerikan Edward Joseph, me të cilin kishte diskutuar për zhvillimet aktuale në vend dhe rajon.