Çfarë ndodhi me dy mjekët e arrestuar për Botox?
Prokuroria njoftoi se si pjesë e procedurës kundër një grupi të organizuar kriminal që importonte, shpërndante dhe administronte ilegalisht Botox tek pacientët
— Dy mjekë të tjerë u arrestuan për kontrabandë Botox, hetimi zgjerohet. Prokuroria njoftoi se si pjesë e procedurës kundër një grupi të organizuar kriminal që importonte, shpërndante dhe administronte ilegalisht Botox tek pacientët, dje u kontrolluan pesë lokacione në Shkup, dy prej të cilave ishin në institucione shëndetësore.
Tre persona u ndaluan, përfshirë dy mjekë, tha Zyra e Prokurorit Publik. “Bazuar në provat e mbledhura, prokurori publik lëshoi Urdhër për të zhvilluar procedurë hetimore kundër katër personave.
Me propozim të prokurorit publik kompetent, gjyqtari i procedurës paraprake në Gjykatën Themelore Penale në Shkup urdhëroi masa paraprake për të katër të dyshuarit”, thuhet në njoftim.
Në prill të këtij viti, Zyra e Prokurorit për Ndjekjen Penale të Krimit të Organizuar dhe Korrupsionit hapi një hetim kundër 17 personave dhe gjashtë personave juridikë, të cilët dyshohen për organizimin e një rrjeti që importonte ilegalisht flakona Botox në vend, dhe mjekët që ishin pjesë e skemës kryenin ilegalisht operacione kozmetike.
Burim: Alsat-M, https://alsat.mk/dy-mjeke-te-tjere-arrestohen-per-kontrabande-botox-hetimi-zgjerohet/
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.