Kush është përforcimi i parë i Dritës për edicionin e ri të Champions League?

GJILAN — FC Drita ka zyrtarizuar të hënën Igball Jasharin si përforcimin e parë për edicionin e ri futbollistik. Lojtari 21-vjeçar kalon nga Drenica te kampionët e Kosovës.

Jashari, që luan në repartin ofanziv, është pjesë e rëndësishme e kombëtares U21 të Kosovës. Te Drenica ishte konsideruar një nga lojtarët më të rëndësishëm të ekipit.

Ky transferim vjen ndërsa Drita përgatitet për një sezon të ngjeshur. Klubi gjilanas tashmë ka vazhduar kontratat me Arb Manajn, Besnik Krasniqin dhe Faton Malokun, dhe do të paraqitet në kualifikimet e Champions League si kampion i Kosovës.

"Kemi kënaqësinë të njoftojmë se Igball Jashari është përforcimi më i ri i FC Dritës. Igballit i urojmë mirëseardhje në familjen bardhekaltër dhe shumë suksese me fanellën e klubit tonë", thuhet në njoftimin zyrtar të klubit.

Jashari më herët ka luajtur edhe për Prishtinën, duke e bërë këtë transferim kthimin e tij në elitën e futbollit kosovar.

Burim: Koha.net
— Redaksia ZHURMA