Don Xhoni kërkon falje publike pas incidentit verbal me fansin në Gjakovë
Reagimi erdhi pas një gjesti të pahijshëm nga publiku, por reperi pranon se sjellja e tij nuk ishte profesionale.
GJAKOVË — Reperi Don Xhoni kërkoi falje publike pas një incidenti gjatë koncertit të tij në Gjakovë, ku u incizua në një përplasje verbale me një person nga publiku. Pamjet u shpërndanë me shpejtësi në rrjetet sociale dhe nxitën reagime të shumta.
Reperi shfrytëzoi llogarinë e tij në InstaStory për t'u kërkuar ndjesë, duke pranuar se nuk e menaxhoi situatën në mënyrën e duhur dhe se reagimi erdhi si pasojë e një ngacmimi: “Dje n’Gjakovë, gjatë performancës e pata ni reagim t’gabum ndaj ni personi n’publik, pas ni gjesti plot t’pahijshëm n’moment drejt meje. Pavarësisht çka ka ndodh, reagimi jem nuk u ka hije i duhuni edhe për këta kërkoj falje.”
Në mbyllje, ai shprehu respekt për publikun: “Respekt për krejt ata që kanë ardh aty edhe që gjithmonë m’kanë përkrah.”
Burim: Insajderi
— Redaksia ZHURMA