Djali plagos aksidentalisht babanë me armë në Runik

SKENDERAJ — Një ngjarje e rëndë ka ndodhur mbrëmjen e së mërkurës në fshatin Runik të Skenderajt, ku një person dyshohet se ka plagosur aksidentalisht babanë e tij me armë zjarri. Menjëherë pas kësaj ngjarjeje, i dyshuari është arrestuar nga policia dhe është dërguar në stacionin përkatës për intervistim.

I plagosuri është dërguar me urgjencë për trajtim të mëtutjeshëm mjekësor në Qendrën Klinike Universitare të Kosovës (QKUK). Në anën tjetër, pas përfundimit të procedurave të intervistimit nga hetuesit kompetentë, i dyshuari është liruar për t'u hetuar më tej në procedurë të rregullt.

Policia ka nisur hetimet për ndriçimin e plotë të rrethanave të rastit. Kjo ngjarje është cilësuar nga organet e rendit si mbajtje në pronësi, kontroll ose posedim i paautorizuar i armës, si dhe shkaktim i rrezikut të përgjithshëm në atë zonë.

Burim: Tetova Sot
— Redaksia ZHURMA