Qytetarët kërkojnë qeveri teknike dhe hetim ndaj Ramës — dita e 68-të e protestës

TIRANË — Qytetarët janë mbledhur sërish për të protestuar për të 68-tën ditë me radhë kundër kryeministrit Edi Rama, duke kërkuar dorëheqjen e tij të menjëhershme. Kërkesa për largimin e kryeministrit vjen pas akuzave të vazhdueshme për keqqeverisje dhe korrupsion.

Përveç dorëheqjes, protestuesit insistojnë në krijimin e një qeverie teknike me mandat 12-mujor për organizimin e zgjedhjeve të ardhshme. Gjithashtu, organizatorët dhe protestuesit kërkojnë hetimin e Edi Ramës nga SPAK për pretendimet e tyre rreth aferave korruptive në nivelin e lartë shtetëror.

Ata deklaruan se këto kërkesa janë plotësisht të panegociueshme dhe paralajmëruan se tubimet do të vazhdojnë në të gjithë vendin derisa të realizohen qëllimet e tyre.

Burim: Almakos
— Redaksia ZHURMA