Dita e 167-të e revoltës shënohet me tubime dhe kundërshtim të dialogut
Tubimet kundër qeverisjes shënojnë ditën e 167-të ndërsa protesta kombëtare e thirrur nga studentët pritet të nisë te Ministria e Arsimit.
Redaksia ZHURMA · · 1 min lexim
Protesta kundër qeverisë ka shënuar ditën e 167-të të tubimeve para Kryeministrisë, ku qytetarët, studentët dhe aktivistët janë mbledhur sërish në bulevard për të kërkuar largimin e Edi Ramës. Pjesëmarrësit kanë përsëritur qëndrimin e tyre se nuk pranojnë asnjë formë dialogu me kryeministrin dhe nuk negociojnë kryekushtin për largimin e tij nga detyra.
Përveç revoltës së përditshme të qytetarëve dhe aktivistëve të Tiranës, studentët kanë paralajmëruar vijimin e qëndresës dhe kanë bërë thirrje për një protestë të radhës kombëtare, e cila do të nisë te Ministria e Arsimit.
