Pse rriten të dhënat në familje në Maqedoni?

— Gjatë 12 korrikut, policia ka ndërhyrë në disa raste të ndara të dhunës në familje në qytete të ndryshme të Maqedonisë, ku janë arrestuar disa persona të dyshuar për sulme fizike, kërcënime dhe sjellje agresive ndaj anëtarëve të familjes. Sipas Albeut, gjashtë persona janë privuar nga liria ndërsa gjithsej nëntë raportime për dhunë në familje janë regjistruar në 24 orët e fundit.

Në një fshat të Vallandovës, është arrestuar një 26-vjeçar, i dyshuar se kishte sulmuar fizikisht babanë e tij 51-vjeçar. Rasti është raportuar te Prokuroria Themelore Publike në Gjevgjeli dhe pas dokumentimit të plotë do të ngrihet kallëzim përkatës.

Në Radovish, policia arrestoi një 18-vjeçar, i cili, sipas denoncimit, ishte sjellë në mënyrë agresive ndaj nënës së tij në shtëpinë familjare. Në Shkup, në komunën e Gjorçe Petrovit, është privuar nga liria një 54-vjeçar, pasi dyshohet se me një send të mprehtë kishte kërcënuar bashkëshorten dhe dy fëmijët e tyre.

Në Ohër janë arrestuar dy persona, 59 dhe 62 vjeç, pas një konflikti verbal në shtëpinë e prindërve të tyre, ku njëri prej tyre dyshohet se ka sulmuar fizikisht anëtarët e familjes. Në Shtip, policia arrestoi një 30-vjeçar pas denoncimit të të dashurës së tij 24-vjeçare, e cila deklaroi se ishte sulmuar fizikisht.

Ndërkohë, në Makedonski Brod është raportuar një rast ku një 45-vjeçar dyshohet se ka sulmuar fizikisht motrën e tij 50-vjeçare. Në Manastir, dy persona kanë denoncuar se janë kërcënuar nga vëllai i njërit prej tyre, ndërsa policia po ndërmerr masa për zbardhjen e plotë të rastit. Në Kavadar është arrestuar një 38-vjeçar, pasi babai i tij denoncoi se ai ishte sjellë në mënyrë agresive në shtëpi dhe kishte hedhur sende.

Burim: Shenja, Albeu
— Redaksia ZHURMA