Si i shpëtoi Riza Krasniqi babait të Suzana Locit në okupim?
Suzana Loci ndan një kujtim personal nga vitet '90, kur babai i saj u rrah nga okupatori serb dhe kandidati i LDK-së i doli pranë.
Redaksia ZHURMA · · Përditësuar · 1 min lexim
PRISHTINË — Një koment në Facebook nga Suzana Loci po qarkullon gjatë fushatës zgjedhore, duke treguar një histori personale me Riza Krasniqin, kandidat për deputet nga LDK-ja me numër 105 në listën zgjedhore 113.
Sipas dëshmisë së saj, në vitet e vështira të ’90-ta, babai i saj Imer Shala u rrah dhe u maltretua brutalisht nga okupatori serb sepse kundërshtonte mbylljen e shkollave shqipe. „Në ato momente, kur shumëkush kishte frikë t’i afrohej, Riza ishte njeriu i parë që i doli pranë, e vendosi në veturën e tij dhe i dha ndihmën e parë“, shkruan Loci.
Ajo thekson se kujtimi nuk lidhet me politikën, por me një veprim njerëzor në kohë terrori. „Prandaj njerëz si ti i duhen vendit tonë – njerëz të guximshëm, humanë dhe me zemër të madhe“, përfundon mesazhin e saj.
Krasniqi njihet për angazhim shumëvjeçar në arsim, teknologji dhe çështje kombëtare.
Burim: Telegrafi
— Redaksia ZHURMA
