Dëshmia e Jozefin Markut në gjykatë pas përleshjes me Eduard Kuçin

Gjykata ka vendosur masën e sigurisë “arrest në shtëpi” për këngëtarin Jozefin Marku dhe shoferin e tij, Kristjan Nikollin, të cilët akuzohen për dhunën ndaj Eduard Kuçit. Detaje të reja janë bërë të ditura nga seanca me dyer të mbyllura, ndërsa në dëshminë e tij Marku është mbrojtur duke u shprehur se veprimi ka qenë në gjaknxehtësi e sipër.

“Kërkoj ndjesë për veprimin. E kam kryer në gjaknxehtësi e sipër. Nuk e njihja më parë Eduard Kuçin. E kam njohur në rrjetet sociale, ku më ka sharë familjen. E kam goditur vetëm një herë me shpullë, duke i thënë të më kërkojë falje që më ka sharë familjen”, është shprehur Marku, raporton Top Channel.

Nga ana tjetër, Kristjan Nikolli ka deklaruar se nuk ka qenë i pranishëm në vendngjarje, ndërsa për municionin e gjetur në banesë ka shtuar se ishte i ndryshkur dhe në kushte të papërdorshme.

Burimet: Zhurnal.mk; Gazeta Express; Veriu.info; Telegrafi; Bota Sot (klaster 7 outlets).