Dëshmia e Ali Ahmetit pritet të bëhet publike javën e ardhshme në Hagë

Gjasat janë të mëdha që dëshmia e Ali Ahmetit, kryetar i BDI, të bëhet publike javën e ardhshme. Ai ka dëshmuar në Gjykatën Speciale në Hagë në rastin e njohur si "Çlirimtarët", sipas asaj që raporton portali Lideri.mk.

Në një intervistë të dhënë përmes lidhjes direkte në Klan News, Ahmeti është shprehur edhe për këtë çështje. Ai ka theksuar se nuk ka qenë në cilësinë e dëshmitarit, por në cilësinë e njërit prej themeluesve të UÇK-së dhe njërit prej udhëheqësve të LPK-së. Ahmeti ka shtuar se që atëherë ka insistuar që e gjithë ajo që ka thënë atje të publikohet.

Megjithatë, sipas tij, vendimi i Gjykatës ka qenë se ato nuk mund të publikohen deri në fund të procesit. Procesi pritet të përfundojë javën e ardhshme, kur priten vendimet përfundimtare. Shqiptarët po presin që ato të jenë në favor të udhëheqësve të UÇK-së, dhe në bazë të asaj që tha Ahmeti, krijohet bazë edhe për publikimin e dëshmisë së tij.