Ali Ahmeti: Protestat në Shqipëri dëmtojnë ekonominë dhe turizmin

TIRANË — Kryetari i Bashkimit Demokratik për Integrim, Ali Ahmeti, ka kritikuar protestat në Tiranë, duke deklaruar se ato po dëmtojnë ekonominë, turizmin dhe klimën e investimeve në vend. Sipas tij, pasiguria e krijuar dekurajon investitorët vendas dhe të huaj, ndërsa protestuesit kanë rënë në grackën e armiqve të kombit. Ahmeti gjithashtu ka pretenduar se ekziston një lidhje mes fushatave protestuese në Serbi dhe atyre në Shqipëri, duke deklaruar: «I njëjti që bën fushatën e protestave në Serbi, bën fushatën për protestat në Shqipëri».

Në protestat e zhvilluara në kryeqytet është shfaqur edhe Mevlan Ademi, organizator i protestave për jurisprudencën në shqip në Shkup, i mbështetur nga BDI dhe vetë Ahmeti, i cili ka publikuar fotografi nga pjesëmarrja e tij.