Sejdiu: Të rinjtë nuk pyesin më nëse do të largohen, por kur
Aktivistja theksoi në emisionin #TROÇ se pagat e ulëta në sektorin privat po e bëjnë të papërballueshme mbijetesën për gjeneratën e re.
SHKUP — Aktivistja Delvina Sejdiu, në një bisedë mbi problemet e rinisë në emisionin #TROÇ, ka deklaruar se pyetja për të rinjtë tashmë nuk është se a do të largohen, por kur do të ndodhë kjo. Sipas saj, rinia nuk ka më as besim dhe as shpresë për të vazhduar jetesën në vend.
Sejdiu vlerëson se dëshpërimi i krijuar te moshatarët e saj nuk u lë atyre asnjë alternativë tjetër veç largimit. Kjo gjeneratë, sipas aktivistes, po paguan një çmim mjaft të lartë si pasojë e një sistemi të keqndërtuar ndër vite.
Ndonëse ajo thekson se vende pune ka, sidomos në sektorin privat, mbijetesa mbetet e vështirë për shkak të pagave të ofruara që nuk përputhen me standardin e shtrenjtë të jetesës.
Burim: Portalb
— Redaksia ZHURMA
