Pse i konvenon Kurtit përplasja LDK-PSD sipas Deliu-Kodrës?
Kandidatja e PDK-së refuzon rolin e ndërmjetësueses në debatin opozitar.
Redaksia ZHURMA · · Përditësuar · 1 min lexim
PRISHTINË — Kandidatja për deputete nga Partia Demokratike e Kosovës, Blerta Deliu-Kodra, ka komentuar përplasjen mes Lidhjes Demokratike të Kosovës dhe Partisë Socialdemokrate, duke vlerësuar se ky debat po i shkon në favor kryeministrit Albin Kurti.
Deliu-Kodra tha se diskutime të tilla po ia largojnë vëmendjen qytetarëve nga problemet reale. Ajo deklaroi se nuk dëshiron të marrë rolin e ndërmjetësueses në debatin mes dy partive opozitare.
"Nuk dua të bëhem pjesë e përplasjeve të tilla, sepse ky lloj diskutimi i ka konvenuar Kurtit për ta larguar vëmendjen nga nevojat që i kanë njerëzit", tha ajo.
Burim: Zëri
— Redaksia ZHURMA
