Dehari mbron LV-në për rastin e Astritit dhe akuzon pushtetet e kaluara
Deputeti Avni Dehari ka arsyetuar mosveprimet e partisë së tij për vdekjen e të birit, duke thënë se pushteti nuk mund të ndërhyjë te prokuroria.
Redaksia ZHURMA · · 1 min lexim
Deputeti i Lëvizjes Vetëvendosje, Avni Dehari, ka mbrojtur partinë e tij lidhur me kritikat për mungesë veprimesh në zbardhjen e vdekjes së të birit, Astrit Deharit, gjatë një paraqitjeje në dhjetëvjetorin e ngjarjes. Ai ka deklaruar se pyetjet e gazetarëve se pse partia në pushtet nuk po bën më shumë kanë një prapavijë dhe lidhen me pretendimet e mëhershme se udhëheqësia e kryesuar nga Albin Kurti kishte përgjegjësi për vdekjen, ndërsa theksoi se prokurorët kanë pushtet të pavarur nga Qeveria.
Dehari ka bërë gjithashtu dallim mes qeverisjeve, duke pretenduar se në të kaluarën ka pasur ndërhyrje politike ku kryeprokurorisë i kërkohej të shpallte rastin vetëvrasje dhe nxirreshin fletarreste ndaj atyre që kundërshtonin këtë version. Sipas tij, ish-ministrja e Drejtësisë, Albulena Haxhiu, nuk ka ndërhyrë te prokurorët, por vetëm ka kërkuar zbardhjen e rastit.
