Kush u lëndua në stërvitjen e Dardanisë para ndeshjeve me Çeki dhe Andorrë?
Kombëtarja e Kosovës zhvillon përgatitje intensive, por sulmuesi Andi Hoti detyrohet të ndërpresë seancën për shkak të një lëndimi në nyje.
PRISHTINË — Kombëtarja e Kosovës në futboll po vazhdon përgatitjet me intensitet maksimal në prag të dy ndeshjeve miqësore kundër Çekisë dhe Andorrës. “Dardanët” kanë zhvilluar sot seancën e dytë stërvitore, me ritëm të lartë dhe përkushtim të madh nga futbollistët.
Përzgjedhësi Franco Foda u fokusua kryesisht në aspektin taktik dhe organizimin e lojës, me synim që skuadra të jetë sa më e përgatitur për sfidat e radhës. Megjithatë, gjatë stërvitjes ka pasur edhe një shqetësim: futbollisti Andi Hoti u detyrua ta ndërpresë seancën para kohe për shkak të një lëndimi në nyje. Ai do t’u nënshtrohet ekzaminimeve nga stafi mjekësor i Kombëtares për të përcaktuar shkallën e lëndimit dhe kohën e rikuperimit.
Kosova do të luajë kundër Andorrës më 7 qershor, në stadiumin “Fadil Vokrri”, nga ora 20:00.
Burim: RTV21
— Redaksia ZHURMA