Vazhdo leximin
⌕ ☆
Politikë

Çitaku pret ambasadorin Malaj: Mbrojtja e UÇK-së është mision i përbashkët

Ushtruesja e detyrës së kryetares së PDK-së priti në takim përshëndetës ambasadorin e Shqipërisë, Petrit Malaj.

Redaksia ZHURMA · · Përditësuar · 2 min lexim

Ushtruesja e detyrës së kryetares së Partisë Demokratike të Kosovës, Vlora Çitaku, ka pritur në një takim përshëndetës ambasadorin e Shqipërisë në Kosovë, Petrit Malaj, me rastin e përfundimit të mandatit të tij diplomatik. Në këtë takim, ku ishte i pranishëm edhe sekretari për politika programore i PDK-së, Bajrush Xhemajli, u diskutua për bashkëpunimin ndërmjet dy vendeve.

Çitaku pret ambasadorin Malaj: Mbrojtja e UÇK-së është mision i përbashkët
Foto: demokracia.com

Çitaku e falënderoi ambasadorin Malaj për kontributin e dhënë në forcimin e marrëdhënieve ndërmjet Kosovës dhe Shqipërisë, duke i uruar suksese në detyrën e re si ambasador i Shqipërisë në Maqedoninë e Veriut. Nga ana e tij, Malaj shprehu mirënjohje për bashkëpunimin me PDK-së dhe vlerësoi rolin e saj historik, ndërsa i uroi Çitakut suksese në udhëheqjen e partisë.

Gjatë takimit u trajtua edhe perspektiva euroatlantike, ku palët vlerësuan përparimin e Shqipërisë drejt Bashkimit Evropian dhe theksuan nevojën për hapa konkretë të Kosovës drejt integrimit. Ndërkaq, lidhur me procesin gjyqësor ndaj ish-krerëve të UÇK-së në Hagë, Çitaku dhe Malaj shprehën solidaritet me çlirimtarët dhe theksuan nevojën për një proces të drejtë e të paanshëm. Sipas Çitakut, «mbrojtja e së vërtetës për luftën e UÇK-së, e historisë dhe e së ardhmes së Kosovës është mision i përbashkët i të gjithë shqiptarëve», duke shtuar se PDK-ja do të qëndrojë pranë çlirimtarëve në procesin e apelit me besimin për lirimin e heqjen e aktgjykimit të shkallës së parë.

Lexo edhe

Më shumë →
Facebook WhatsApp X
Gjeni një gabim? Na shkruani dhe e korrigjojmë
LIVE Veternik Prishtinë 19 kamera →

Koleksione · të dhëna të verifikuara

Vazhdo me më të lexuarat sot

Përditësuar

  1. KEDS: Ndërprerje të rrymës të mërkurën për shkak të punimeve

    27% e leximeve arrijnë 75% të artikullit kronike

  2. Arrestohet i dyshuari për vrasjen në Suharekë

    36% e leximeve arrijnë 75% të artikullit kronike

Pyet Zhurmën
Shërbime, enciklopedi dhe lajme