Çitaku kërkon mbështetje konkrete pas takimit me presidenten Shiroka-Pula
Vlora Çitaku takon presidenten Justina Shiroka-Pula dhe grupin punues për mbrojtjen e çlirimtarëve.
Redaksia ZHURMA · · Përditësuar · 1 min lexim
Ushtruesja e detyrës së kryetares së Partisë Demokratike të Kosovës, Vlora Çitaku, u takua me presidenten e Republikës së Kosovës, Justina Shiroka-Pula, së bashku me grupin punues për mbrojtjen e çlirimtarëve në fazën e apelit në Hagë. Përmes një postimi, Çitaku bëri të ditur se e falënderoi kreun e shtetit për mbështetjen e parezervë dhe gatishmërinë për të kontribuar në përpjekjen e përbashkët institucionale.
Ajo theksoi se aktualisht është koha që uniteti të shfaqet përmes veprimeve reale në shërbim të mbrojtjes së ish-krerëve të Ushtrisë Çlirimtare të Kosovës. «Tani është koha që unitetin politik e institucional ta dëshmojmë me veprime dhe mbështetje konkrete për mbrojtjen e çlirimtarëve në apel», u shpreh Çitaku, duke shtuar se do të qëndrojnë pranë tyre në betejën për drejtësi dhe për mbrojtjen e së vërtetës së luftës.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar