Çitaku: Fatmirësisht, çastet vendimtare i udhëhoqi Thaçi, jo Kurti
Sekretarja e PDK-së e shkroi në Facebook, krahas një fotografie të Kurtit me presidentin Hashim Thaçi.
PRISHTINË — Sekretarja e Përgjithshme e PDK-së, Vlora Çitaku, ka thënë në një shkrim në Facebook se në çastet vendimtare të shtetndërtimit Kosova e kishte Hashim Thaçin, jo Albin Kurtin. “Fatmirësisht, në ato çaste Kosova e kishte Hashim Thaçin”, shkruan ajo.
Krahas një fotografie ku Kurti shihet me presidentin Hashim Thaçin, Çitaku pyet: “Imagjinoni sikur ky i pari në fotografi të kishte vendosur për UÇK-në, për shpalljen e pavarësisë apo për themelimin e Ushtrisë së Kosovës në momentet vendimtare të shtetndërtimit”. Ajo shton se ka momente në histori kur vendimet e një njeriu përcaktojnë fatin e një kombi.
Burim: Nacionale
— Redaksia ZHURMA
