Çfarë dëmtuan persona të panjohur në memorialin e UÇK-së në Has?

HAS — Organizata e Veteranëve të Luftës së UÇK-së ka njoftuar një akt vandalizmi ndaj memorialit të dëshmorëve në Has. Sipas njoftimit, persona të panjohur kanë prerë kabllon e ndriçimit të shkronjave të UÇK-së dhe kanë dëmtuar dy shtylla, barin dhe bazamentin ku do të vendoseshin gurët përkujtimorë.

Veteranët nuk e dinë se kush qëndron pas këtij veprimi, por kanë kërkuar nga organet kompetente të hetojnë rastin dhe të identifikojnë autorët. Memoriali është i dedikuar dëshmorëve të Hasit. Burim: Gazeta Metro
— Redaksia ZHURMA