Ceremoni publike në Teksas për aktorin e Breaking Bad

Ylli i serialit të njohur televiziv «Breaking Bad», i cili u nda nga jeta në moshën 34-vjeçare, do të nderohet me një ceremoni publike përkujtimore në Teksas. Ceremonia do të mbahet në Qendrën e Arteve dhe Kulturës Mitte në Brownsville, një institucion për të cilin ai kishte punuar për vite me radhë, ndërkohë që rrethanat e vdekjes së tij po hetohen.

Ceremonia është caktuar të mbahet të premten në orën 10:00. Ai kishte kontribuar në rikonstruksionin e ish-Muzeut të Arteve të Bukura dhe në shndërrimin e tij në një hapësirë kulturore për komunitetin. Vetëm muajin e kaluar, ai kishte festuar njohjen zyrtare të distriktit nga shteti i Teksasit, ndërsa e konsideronte qendrën një urë lidhëse mes brezave, kulturave dhe komuniteteve të ndryshme.

Ai u bë i njohur në mbarë botën përmes rolit të Walter White Jr. në 56 episode të serialit nga viti 2008 deri në vitin 2013. Përveç aktrimit, ai ishte një zë i rëndësishëm në mbështetje të personave me aftësi të kufizuara dhe të përfshirjes së tyre në industrinë e argëtimit. Aktori ishte diagnostikuar me paralizë cerebrale në moshën trevjeçare. Lajmin për vdekjen e tij e konfirmoi përfaqësuesi i tij, i cili e kujtoi si një artist të dashur, filantrop dhe mbrojtës të të drejtave të personave me aftësi të kufizuara.