Pse Canaj thotë se Kurti po qeveris "si në monarki"?
Analisti politik Blerim Canaj thotë se kryeministri në detyrë po e shtyn vendin drejt krizës dhe zgjedhjeve të reja.
PRISHTINË — Analisti politik Blerim Canaj ka deklaruar se mungesa e gatishmërisë së kryeministrit në detyrë Albin Kurti për kompromis dhe ndarje të pushtetit po e shtyn Kosovën drejt krizës politike dhe zgjedhjeve të reja.
"Kurti nuk bën kompromise, nuk ndan pushtet. Këtu është problemi. E do pushtetin për vete dhe na çon prapë në zgjedhje", tha Canaj në emisionin "Click" të RTV21.
Ai kritikoi mënyrën e funksionimit institucional, duke vënë në dukje mungesën e kontrollit parlamentar. "Kurtit po i konvenon me qeverisë kështu si në monarki, pse ndan para dhe nuk i jep llogari askujt, sepse ne nuk kemi parlament", shtoi ai.
Burim: RTV21, https://rtv21.tv/canaj-kurti-po-qeveris-si-ne-monarki-dhe-po-e-con-vendin-drejt-zgjedhjeve/
— Redaksia ZHURMA