Pse kundërshton Bytyqi rritjen e borxhit publik të Maqedonisë?
Ish-zv.kryeministri Fatmir Bytyqi kundërshton relativizimin e huamarrjes dhe kërkon llogari për fondet hungareze.
SHKUP — Borxhi publik i Maqedonisë së Veriut është rritur me 2.5 miliardë euro në terma absolutë gjatë dy viteve të fundit, paralajmëroi ish-zv. kryeministri për Çështjet Ekonomike dhe deputeti i LSDM-së, Fatmir Bytyqi.
Në një intervistë për "Telma", Bytyqi theksoi se borxhi publik nuk duhet të relativizohet, duke e quajtur gabim krijimin e perceptimit se huamarrja nuk është çështje e rëndësishme për stabilitetin ekonomik. Sipas tij, shifrat vijnë nga vetë qeveria: nga 8.5 miliardë euro në dhjetor 2023, borxhi ka arritur në 10.8 miliardë euro pa huamarrjen e re prej 260 milionë eurosh, ose 11 miliardë euro me të.
Bytyqi iu referua edhe fondeve hungareze, duke ngritur dyshime mbi përdorimin e tyre. "Vetëm 47 milionë euro janë paguar deri më tani" nga 250 milionë euro të destinuara për njësite e qeverisjes vendore, tha ai, duke pyetur: "Ku u zhdukën një miliard euro nga Hungaria?"
Burim: Telegrafi
— Redaksia ZHURMA