Brataj: Mos bini preh e dezinformimit për Covid-19

TIRANË — Kreu i Urgjencës Kombëtare, Skënder Brataj, i ka bërë thirrje qytetarëve të mos bien preh e dezinformimit për Covid-19, duke theksuar se çdo qëndrim i tij mbështetet vetëm në prova dhe fakte shkencore. Reagimi i Bratajit vjen pas debatit publik mes tij dhe mjekëve Erion Dasho e Edvin Prifti mbi mënyrën e menaxhimit të pandemisë së Covid-19 në rrjetet sociale.

Dasho ka shprehur se gjatë pandemisë kishte mjekë që kundërshtuan mënyrën e menaxhimit të situatës, duke kërkuar përmirësimin e protokolleve dhe rishikimin e masave, siç raporton Gazeta Tema. Nga ana tjetër, Prifti iu përgjigj duke e akuzuar për deklarata fyese ndaj një pjese të komunitetit mjekësor.

Brataj ka publikuar në rrjetet sociale se pandemia ishte një emergjencë reale dhe rekomandimet mjekësore kanë evoluar me zhvillimin e njohurive shkencore. "Jam mjek urgjence. Më shumë se dhjetë vite më parë vendosa të kthehesha në Shqipëri për të ndërtuar një shërbim që mungonte, duke sjellë përvojën e fituar gjatë njëzet viteve pune në Itali", ka shkruar Brataj.

Ai ka qartësuar se nuk i përkas ashnjë partie politike, asnjë kompanie farmaceutike apo industrisë së suplementeve apo integratorëve. "Nuk jam as pro-vax, as no-vax. I përkas vetëm mjekësisë dhe shkencës", ka theksuar Brataj, duke shtuar se bindjet e tij nuk ndërtohen mbi ideologji, por mbi provat më të mira shkencore.

Vaksinat mRNA përfaqësuan një teknologji të re, e zhvilluar mbi dekada kërkimi, që kontribuoi në uljen e rasteve të rënda, shtrimeve në spital dhe vdekjeve, veçanërisht tek personat më të rrezikuar. Asnjë vaksinë nuk është 100% efektive dhe nuk është pa efekte anësore.

Brataj ka shprehur se origjina e SARS-CoV-2 mbetet një çështje e hapur shkencërisht, me hipotezën zoonotike që mbështetet nga provat e disponueshme, por me mungesë të dhënave që nuk lejon përjashtimin plotësisht të hipotezës së një incidenti laboratorik. Long COVID është një realitet klinik që prek shumë pacientë.

Pandemia na kujtoi se duhet të investojmë më shumë në urgjencën mjekësore, kujdesin intensiv, epidemiologjinë, laboratorët dhe kërkimin shkencor. Mbi të gjitha, na kujtoi se besimi i publikut fitohet vetëm me transparencë, ndershmëri dhe përgjegjësi, ka mbyllur Brataj postimin e tij.

Burim: Shekulli
— Redaksia ZHURMA