Si qëndron Bleona Xhaja pas therjes me thikë e fluturimit urgjent drejt Tiranës?
28-vjeçarja ndodhet nën monitorim të vazhdueshëm në Spitalin e Traumës, me parametra jetësorë të qëndrueshëm pas plagëve të shumta në kraharor e bark.
POGRADEC — Bleona Xhaja, 28 vjeç, transportohet me helikopter drejt Spitalit të Traumës në Tiranë. E therur me thikë nga bashkëshorti i saj në banesë, ajo kishte marrë ndihmën e parë mjekësore në spitalin e Pogradecit, por gjendja e saj shëndetësore e imponoi transferimin urgjent në kryeqytet për mjekim të specializuar.
Sipas burimeve mjekësore të A2Cnn, 28-vjeçarja ka pësuar plagë të shumta në kraharor dhe në bark. Aktualisht parametrat jetësorë paraqiten të qëndrueshëm. Ajo ndodhet nën monitorimin e vazhdueshëm të ekipit mjekësor.
Bashkëshorti i saj, Fatmir Xhaja, 30 vjeç, është shoqëruar pranë Komisariatit të Policisë Pogradec. Sipas informacionit paraprak, ai dyshohet se e ka plagosur me mjet prerës gjatë një konflikti në banesë. Ngjarja raportohet nga disa media.
Burim: IndeksOnline
— Redaksia ZHURMA