Blakaj: Mbrojtja e katërshes në Hagë kërkon mbështetje financiare

Përfaqësuesi i Fondit për të Drejtën Humanitare ka ngritur pikëpyetje lidhur me kompetencat që do të ushtrojë grupi punues, i ngarkuar për të hartuar një strategji mbështetëse për avokatët e të akuzuarve në Dhomat e Specializuara. Gjatë një paraqitjeje televizive në emisionin «Info Magazine», Bekim Blakaj u shpreh se ende mungojnë detajet rreth ndikimit që ky grup do të ketë në proceset gjyqësore dhe fushëveprimit të tij të saktë.

Sipas tij, pengesa kryesore me të cilat janë ndeshur mbrojtësit ka qenë buxheti i pamjaftueshëm, çka është reflektuar edhe te qëndrueshmëria dhe ndryshimet në përbërjen e ekipeve gjatë gjithë procedurave. Largimi dhe zëvendësimi i avokatëve ndër rrugë, sipas vlerësimit të dhënë, ka sjellë si pasojë dobësimin e mbrojtjes ligjore të të akuzuarve.