Sa barazish ka Specialja: Prokuroria 3/3, Mbrojtja 0 nga 44?

HAGË — Avokati Luka Misetiç, mbrojtës i Presidentit Hashim Thaçit, ka publikuar statistikat e apeleve në Dhomat e Specializuara: Prokuroria ka fituar 3 nga 3 ankesa (100% sukses), ndërsa Mbrojtja ka humbur të gjitha 44 ankesa të parashtruara (100% dështim) në dy rastet aktive të Thaçit.

Deklarata e Misetiçit vjen pas pranimit të ankesës së tretë të Prokurorisë nga Paneli i Apelit. Kjo ankesë e fundit kishte të bënte me një dëshmitar në rastin e pengimit të drejtësisë — rastin e dytë ku Thaçi është akuzuar. Avokati e shpërndau bilancin në profilin e tij në X.

Misetiç ka theksuar se kurdo që puna e Dhomave të Specializuara analizohet ose vlerësohet, "drejtësia dhe paanshmëria gjyqësore do të jenë në qendër të debatit". Shifrat — 3-0 për Prokurorinë, 44-0 kundër Mbrojtjes — janë të publikuara nga vetë avokati i mbrojtjes.

Burim: Vox Kosova
— Redaksia ZHURMA