Karburantet lirohen lehtë — nafta shitet deri në 1.72 euro

PRISHTINË — Ministria e Industrisë, Ndërmarrësisë, Tregtisë dhe Inovacionit (MINT) ka publikuar çmimet maksimale të lejuara për derivatet e naftës që do të vlejnë më 6 gusht. Sipas njoftimit zyrtar të kësaj ministrie, tavanet e reja për shitjen e karburanteve do të hyjnë në fuqi nga ora 10:00.

Kufizimet bazohen në një vendim të MINT-it të datës 3 korrik. Sipas këtij vendimi, çmimi maksimal i lejuar për një litër naftë (dizel) është caktuar 1.72 euro, për benzinën tavan është 1.45 euro, ndërsa gazi do të shitet me më së shumti 0.60 euro për litër.

Këto shifra shënojnë një rënie të lehtë të çmimeve të karburanteve në Kosovë. Megjithatë, për shkak të ngarkesës financiare, në vend vazhdojnë thirrjet për të parë mundësinë e aplikimit për uljen e akcizës së naftës, në mënyrë që të zbutet ndikimi i tyre te konsumatorët.

Burim: Ekonomia Online
— Redaksia ZHURMA